CEBU CITY- Nangayo og tabang sa Bombo Radyo Cebu ang pamilya sa usa ka pasyente nga karon nagpa-ospital aron masuportahan ang iyang medikal nga panginahanglan.
Si Bing Berago, igsoon sa pasyente, ug ang ilang inahan nga si Marivic Berago, mapainubsanon nga nangayo og suporta gikan sa mga buotan nga tawo aron matabangan ang padayon nga tambal ug gasto sa ospital alang ni Christine Joy Berago.
Sumala sa pamilya, si Christine Joy naka-agi na og daghang laboratory tests ug padayon nga nagakuha og tambal samtang anaa sa ospital.
Apan nagpadayon ang pagsaka sa gasto sa medisina, laboratory tests, ug uban pang bayranan sa ospital, hinungdan nga lisod na kaayo kini suportahan sa pamilya.
Sa iyang emosyonal nga pahayag, giingon ni Marivic Berago, nga wala una kini ni-duty isip magtutudlo kana gumikan kay gikinahanglan ang niyang atimanon ang iyahang anak.
Naningkamot usab siya nga masiguro ang regular nga pagkaon ug tambal ni Christine Joy, lakip na ang gatas nga upat ka beses sa usa ka adlaw.
Si Bing Berago nag-ingon nga ilang gihimo ang tanan aron matabangan si Christine Joy nga makarecover, apan tungod sa kakulang sa pondo, nangayo sila sa publiko alang sa bisan unsang porma sa tabang aron mapadayon ang treatment sa pasyente.
Para sa mga buotan nga gustong mohatag og suporta, puwede ninyong ipadala ang inyong tabang pinaagi sa GCash sa numero 0932-294-2248.
Nag-ampo usab ang pamilya alang sa paspas nga kaayohan ni Christine Joy ug naglaum nga pinaagi sa kalooy sa publiko, makuha niya ang gikinahanglan nga pag-atiman sa ospital.
