Pamilya Duterte, dawat ang pagbasura sa ICC Appeals Chamber sa interim release ni FPRRD

Gidawat sa pamilyang Duterte ang desisyon sa Appeals Chamber sa International Criminal Court (ICC) nga nagbasura sa hangyo alang sa temporaryong pagpagawas ni kanhi Presidente Rodrigo Duterte karong Biyernes, Nobyembre 28.

Sa usa ka pahayag, gikumpirma sa pamilya nga magpadayon sila sa pagtinabangay sa depensa sa kanhi Presidente sa iyang kaso.

Nagpadayon usab ang ilang suporta sa kanhi Presidente, lakip na ang adlaw-adlaw nga mga panagsulti.

Gipasalamatan usab sa pamilyang Duterte ang tanan nga miapil kanila karon sa pag-ampo alang sa kanhi Presidente.

Sa sayo pa, sa desisyon sa ICC karon, wala gihatag sa Appeals Chamber ang tulo ka basehan sa pag-apelar sa kampo sa kanhi Presidente.