Panagpulong alang sa luwas nga pag-agi sa Strait of Hormuz, ipahigayon

Gipahibalo sa gobyerno sa Iran nga magpahigayon sila og usa ka rehiyonal nga tigom kalabot sa sigurado ug luwas nga pag-agi sa mga barko sa Strait of Hormuz.

Sumala sa Foreign Ministry sa Iran, ang maong tigom gikatakdang ipahigayon karong Lunes didto sa nasod sa Oman.

Gilauman nga motambong sa maong tigom ang mga representante ug delegado gikan sa Iran ug sa nagkadaiyang mga nasod sa Persian Gulf.

Hisgotan sa maong tigom ang mga resulta sa negosasyon tali sa Iran ug Oman.

Nagpabilin ang baruganan sa Iran nga ang bugtong nilang katuyoan mao ang pagseguro nga hapsay ug luwas ang paglawig sa mga sakayang pandagat diha sa maong importanteng agianan sa tubig ang Strait of Hormuz.