CEBU – Gibutyag ni Cebu City Emergency Operations Center (EOC) Head Councilor Joel Garganera nga “in-place” ang tanang mga pama-agi sa nagkada iyang sektor sa syudad subay sa pagsaka sa COVID-19 cases sa dakbayan.
Padayon nga nagmonitor ang EOC ug ang ubang mga ahensiya sa syudad sa sitwasyon. Matud ni Garganera nga wa na’y igong resources ang gobyerno kung mahitabo nga mag lockdown ang syudad.
Subay niini nakigtagbo ang EOC uban sa hingtungdang ahensiya ngadto sa mga business establishments alang sa pagsuta sa mga patakaran ug pagmonitor sa pagpatuman sa mga protocols batok sa COVID-19.
Subli nga nanawagan si Garganera sa mga Sugbuanon nga di gyud mokumpiyansa sanglit usa sa gituhuan sa opisyal mao ang dakong kalambigitan sa matag lihok sa indibidwal sa pagsaka sa kaso sa coronavirus.
Sa datos sa EOC, buwan sa Mayo petsa 18ning kasamtangang tuig nagsugod ang pagsaka sa kaso sa COVID-19 infection.
