Niabot na sa 14 ang patay sa Bagyong Opong, kini matud ni Office of Civil Defense (OCD) Officer-in-Charge Bernardo Alejandro, nga giingong nitala kini gikan sa Bicol Region ug Eastern Visayas.
Ingon man nga hugot nilang gi-verify ang pito nga namatay sa Rehiyon 8 ug siyam ang Nawala, ingon man sa Rehiyon 5 nga adunay tulo nga namatay ug usa ang nawala.
Hinuon, nipasalig ang uhatan nga padayon ang ilang pagmonitor ug paghatag og hinabang sa mga apektadong lugar.
Basi sa datos nga adunay 12 milyones ka indibidwal ang apektado ug ilang gipaabot nga mosaka pa ang nasangpit nga gidaghanon.
Apan, andam ang ilang air assets nga mohatag og hinabang sa higayon nga adunay pipila ka mga dapit nga lisod maabot tungod sa baha.
Sa pagkakaron, hingpit nang mibiya sa Philippine Area of Responsibility (PAR) ang Bagyong Opong (international name: Bualoi) kaganihang buntag ug bisan wala na sulod sa PAR ang Opong, gitambagan gihapon ang publiko ug mga mananagat nga magbinantayon sa posibleng epekto sa hanging habagat nga makakusog sa bagyo samtang anaa kini sa gawas sa nasod.
