Patayng lawas ni ex-DPWH USec. Catalina Cabral, miabot na sa Metro Manila gikan sa Benguet

Niabot na sa Metro Manila ang patayng lawas ni kanhi DPWH Usec. Maria Catalina Cabral.

Sumala sa mga report, niabot kini alas 3:00 sa kaadlawon kagahapon sa Sabado, Disyembre 20.

Wala pa gipahibalo kung asa ilubong ang patayng lawas ni Cabral.

Kagahapon, gikumpirmar ni Interior and Local Government Secretary Jonvic Remulla nga ang patayng lawas sa usa ka babaye nga nakit-an sa Tuba, Benguet mao ang kang Cabral base sa resulta sa DNA ug fingerprint matching.

Gibutyag usab ni Remulla nga base sa autopsy, walay nakitang foul play sa insidente.

Nakakuha og atensyon ang kamatayon ni Cabral tungod sa nagpadayon nga imbestigasyon nga may kalabotan sa anomaliya sa flood control project sa nasud.