Gikumpirmar ni Palace Press Officer USec. Claire Castro nga gidawat na ni Presidente Ferdinand “Bongbong” Marcos Jr. ang boluntaryong pag-resign ni Executive Secretary Lucas Bersamin ug Department of Budget and Management Secretary Amenah Pangandaman.
Sumala ni USec. Castro, sila si Bersamin ug Pangandaman mi-resign human sila nalambigit sa isyu sa budget insertions.
Dugang ni Castro nga ang duha mihimo sa maong lakang isip pagpakita sa ilang pagkasensitibo ug delikadeza sa pwesto.
Gipamahayag sa Presidente Marcos Jr. ang ilang pasalamat sa serbisyo nga gihatag nila ni Bersamin ug Pangandaman sa gobyerno.
Ingon man sa pikas bahin, gitudlo sa Marcos Jr. si Secretary Ralph Recto isip bag-ong Executive Secretary, samtang si Secretary Frederick Go mao ang bag-ong Finance Secretary, ug si USec. Rolando Toledo gi-assign sa Department of Budget and Management.
