Gikumpirma sa Malacañang nga nakasinati og discomfort si President Ferdinand Marcos Jr. ug gipailalom sa medical treatment ug obserbasyon isip kabahin sa pag-amping sa iyang kahimtangan sa panglawas.
Sumala kang Palace Press Officer Claire Castro, nagpalabay og kagabii ang Presidente ubos sa medikal nga obserbasyon human tambagan sa iyang mga doktor nga mopahuway ug moagi sa padayon nga monitoring.
Bisan pa niini, gipasalig ni Castro nga lig-on ug stable ang kahimtangan sa panglawas sa Presidente.
Wala usab siya makahibalo sa eksaktong hinungdan sa kahasol nga nasinati niini.
Matud pa ni Castro, bisan pa nga gipailalom sa medical observation, nagpadayon gihapon si Presidente Marcos sa pagtuman sa iyang mga responsibilidad isip pangulo sa nasud.
Gipasalig usab sa Malacañang ang publiko nga walay angay kabalak-an, hinungdan kay ang Presidente nagpabilin nga makahimo ug aktibo sa iyang mga katungdanan.
Dugang pa, mibalik na sa Palasyo sa Malacañang si Presidente Marcos ug gilauman nga mopahigayon og duha ka pribadong meeting karong Huwebes sa hapon.
