Gipasiugda ni President Ferdinand Marcos Jr. ang pagpadayon sa mga reporma sa edukasyon human nakapakita og dakong pag-uswag ang Pilipinas sa 2025 Programme for International Student Assessment o PISA.
Sumala sa Presidential Communications Office, misaka ang performance sa mga Pilipinong estudyante sa reading, mathematics ug science kumpara sa 2022 assessment.
Matod sa Presidente, ang resulta dili angay tan-awon isip kataposan, kondili usa ka timailhan nga kinahanglan ipadayon ug palig-onon ang mga reporma sa edukasyon.
Lakip sa mga programa nga gipatuman sa gobyerno ang ARAL Program, school-based feeding, pagdugang sa teaching ug non-teaching personnel, ug uban pang learning recovery measures aron matubag ang mga kakulang sa pagkat-on.
Gipasalamatan usab ni Marcos ang mga estudyante, magtutudlo, ginikanan ug komunidad sa ilang paningkamot, samtang iyang gipasiugda nga kinahanglan ipadayon ang mga lakang aron mas mapalambo pa ang kalidad sa edukasyon sa nasod.
