CEBU CITY-Mipasalig si Presidente Ferdinand Marcos Jr., sa mga naapektuhan sa kusog nga pag-ulan og misangpot sa pagsaka sa tubig baha nga mahatagan sila og paspas nga mga hinabang partikular na sa lungsod sa Carmen, Minglanilla, ug Cebu.
Mao kini ang pauna sa nahimong pamahayag ni Marcos atol sa mabulokan nga opening ceremony sa Palarong Pambansa 2024 nga gipahigayon sa dakbayan sa Sugbo.
Diin gipaambit niini nga nakaabot sa iyaha ang mga taho nga nahitabo sa Sugbo sa mga milabay nga adlaw sama sa epekto sa kusog nga pag-uwan nga miresulta sa pagsaka sa tubig baha, pagkaguba sa mga imprastraktura, pagkadaot sa mga kabtangan ug uban pa.
Hinungdan nga mipasalig kini ngadto sa mga naapektuhan nga ang national ug local nga kagamhanan, makigtambayayong sa usa’g usa arun sa paspas nga paghatag og hinabang, ingon man ang pagmando sa DSWD sa pag-abag sa mga biktima.
