Tun-an ni Presidente Ferdinand Marcos Jr. ang hangyo sa Estados Unidos nga i-extradite si Pastor Apollo Quiboloy.
Sumala ni PCO Usec. Claire Castro, nakigsulti siya sa Presidente ug miingon nga kinahanglan una nga tun-an pag-ayo ang maong butang. Ingon man nga gilauman nga mopahibalo ang Malacañang sa desisyon sa umaabot nga mga semana.
Dugang pa ni Castro nga adunay duha ka posibleng lakang basi sa extradition treaty tali sa Pilipinas ug U.S., diin mahimong magpabilin si Quiboloy sa Pilipinas samtang gidungog ang iyang kaso, o ang kaso dinhi mahimong temporaryong ihunong aron ipadala siya sa U.S. aron atubangon ang mga kaso sa naasoy nga nasud.
Ang Palasyo miingon nga si Presidente Ferdinand Marcos Jr. ang modesisyon sa sunod nga lakang bahin sa extradition ni Pastor Apollo Quiboloy.
Ipagawas na sa Presidente ang iyang desisyon ug gilauman nga mosulti bahin niini sa umaabot nga mga semana.
Dugang ni Castro nga ang due process ug ang kasamtangang balaod kinahanglan sundon sa dili pa makahimo og desisyon ang Presidente.
