Mitudlo si President Ferdinand Marcos Jr. og caretaker committee sa wala pa kini molarga paingon sa United Arab Emirates alang sa working visit.
Sumala ni Palace Press Officer ug PCO Undersecretary Atty. Claire Castro, gitudlo sa Presidente sila si Executive Secretary Ralph Recto, Department of Agrarian Reform Secretary Conrado Estrella III, ug DSWD Secretary Rex Gatchalian isip caretaker committee.
Motambong ang Presidente sa Abu Dhabi Sustainability Week ug magpabilin sa UAE hangtod sa Miyerkules, Enero 14.
Gilauman usab nga masaksihan sa Presidente ang pagpirma sa duha ka kasabutan tali sa Pilipinas ug UAE, lakip ang Comprehensive Economic Partnership Agreement (CEPA) ug ang Memorandum of Understanding on Defense Cooperation.
Ang working visit, nga gihimo sa imbitasyon ni UAE President Sheikh Mohamed bin Zayed Al Nahyan, maghisgot sa mga isyu sa enerhiya, tubig, pinansya, pagkaon, ug kalikopan uban sa ubang mga pangulo sa estado.
Wala pa gibutyag sa Palasyo nganong walay media coverage sa pagbiya sa Presidente o sa naandan nga seremonyas sa pagbiya sa Villamor Air Base sa Pasay City.
