Nasabtan ni Presidente Ferdinand R. Marcos Jr. ang iyang mga Gabinete, nga nibati og dili makatarunganon nga sitwasyon taliwala sa mga pagsaway gikan sa Kongreso sa gisugyot nga 2026 nasudnon nga budget.
Sa iyang departure statement sa wala pa mibiya alang sa state visit sa Cambodia, giila ni Marcos ang mga tensyon apan giawhag ang mga opisyal nga magpabiling kalmado.
Gipaambit ni Executive Secretary Lucas Bersamin nga ang Palasyo wala mahadlok sa mga tensyon, nga gisubli nga ang Ehekutibo wala “nasuko” sa Kongreso apan nag-isyu sa mga panawagan nga ibalik ang National Expenditure Program (NEP), nga iyang gihulagway nga wala sa han-ay sa konstitusyon.
Ang mga lider sa partido sa Balay sa sayo pa misugyot nga ipadala pagbalik ang NEP ngadto sa Department of Budget and Management human mailhan ang mga problema nga nag-antos sa Department of Public Works and Highways, nga karon anaa sa init nga hisgutanan sa giingong mga anomaliya sa multibillion-peso flood control projects.
Samtang, gpasalig ni Presidente Ferdinand R. Marcos Jr. nga lig-on ang tukuron nga Investigation Commission sa Malacañang arn masiguro nga manubag ang mga mapamatud-an nga nangawkaw sa kuwarta sa publiko pinaagi sa mga flood control projects.
Matod niini nga lawom ang problema sa kurapsyon tungod kay dugay na kining gihimo sa mga politiko pinaagi sa pagkuha og dakong pundo gikan sa nasudnong budget.
Gidugang ni Marcos nga gibalewala sa nangaging mga administrasyon ang mga kurapsyon sa mga opisyal ug dili siya makatulog sa paghunahuna kon nganong nahitabo kini, mao nga nasuko kini pag-ayo sa mga nanghitabo karon tungod kay ang katawhan maoy nag-antos sa ilang walay konsensiya nga gibulsa ang kuwarta sa katawhan.
Gipasalig sa Presidente nga sa dili madugay maporma ang Investigation Commission ug magseguro nga manubag ang tanang opisyal nga nakahimog kurapsyon ug nakabenepisyo sa pundo nga para unta sa kaayohan sa katawhan.
