Andam ug nanghinaot na si Presidente Ferdinand Marcos Jr. ug First Lady Liza Araneta-Marcos nga mamahimong mga apohan, sumala sa ilang video nga may temang pang-holiday nga gipagawas sa niaging adlaw.
Sa video, gipaambit sa Presidente nga kanunay nilang pangutan-on ang ilang tulo ka anak nga lalaki nganong wala pa silay mga ap, ug sumala niya, mao usab kini ang ilang pangandoy matag Pasko, labi na kay ang ilang mga anak igo na ang edad aron magminyo.
Miuyon ang First Lady kabahin niini ug miingon nga mao usab kini ang iyang pangandoy ug wish sa Pasko.
Subay niini, gihuman ni Presidente Marcos ang iyang Christmas vlog pinaagi sa pag-awhag sa tanang Pilipino og luwas, malipayon, ug himsog nga Pasko.
Ang magtiayong Marcos adunay tulo ka hamtong nga mga anak: si Ferdinand Alexander o Sandro, 31; Joseph Simon, 30; ug William Vincent o Vinny, 28. Kadaghanan sa ilang personal nga kinabuhi pribado, bisan pa nga si Sandro kaniadto miangkon nga adunay lima ka tuig nga relasyon sa aktres nga si Alexa Miro.
