Nakigkita si Pang. Ferdinand Marcos Jr., ug Singaporean President H.E. Tharman Shanmugaratnam sa Istana, diin ang katuyoan sa nasangpit nga tigum mao ang pagpakusog ug pagpalig-on pa sa bilateral nga relasyon sa duha ka nasud.
Mao kini ang unang panagtagbo ni Presidente Marcos ug Presidente Tharman, human siya milingkod isip Ulo sa Estado sa Republika sa Singapore sa miaging tuig.
Sa nasangpit nga panagtagbo, parehong gipasiugda sa duha ka lider ang maayong relasyon sa Pilipinas ug Singapore.
Anaa karon sa Singapore si Marcos alang sa usa ka working visit.
Gikatakda ang presidente nga maghatag sa iyang pakigpulong sa internasyonal nga mamiminaw sa Shangri-La Dialogue 2024.
Sa nasangpit nga forum, subling ipasiugda sa Presidente ang baruganan sa Pilipinas sa depensa ug diplomasya.
Si Presidente Marcos ang unang Presidente sa Pilipinas nga namulong sa Shangri-La dialogue.
