Kusganong gihimakak sa Malacañang ang pasangil ni kanhi Presidente Rodrigo Duterte nga gikawat ug gibaligya ni Presidente Ferdinand Marcos Jr. ang reserbang bulawan sa nasod.
Sa press briefing sa Malacañang, gipasiugda ni Presidential Communications Office USec ug Palace Press Officer Atty. Claire Castro nga ang Bangko Sentral ng Pilipinas maoy bugtong guardian ug administrator sa gold reserves sa Pilipinas, ug ang presidente wala gayud manghilabot niini.
Matud pa ni Castro nga daw walay mitambag kang kanhi Presidente Duterte nga ang pagbaligya sa gold reserves aron matubag ang mga kinahanglanon sa pagbaylo sa Pilipinas maoy usa ka regular nga kalihokan sa BSP.
Basi sa pamahayag sa BSP, kabahin sa ilang mandato nga ang dili paghupot og daghang bulawan, mao nga adunay kahigayonan nga ibaligya kini kon taas ang presyo niini.
Matod sa opisyal, sa pagkatinuod, sa 2024, ang gross international reserve (GIR) sa Pilipinas moigo sa 106.3 bilyones USD, gikan sa P103.8 bilyones USD sa 2023.
Gani, hangtod sa Oktubre 2024 wala motubag ang kanhi presidente sa maong alegasyon, mao nga wa siya kasabot nganong nagsige kini og hisgot si Duterte.
Nagtuo si Usec Castro nga ang maong mga pamahayag laing komedya o campaign promise sa kanhi presidente.
Gipasalig ni Castro nga dili tugotan sa gobyerno ang kampo ni Duterte nga magpadayon sa pagpakatap og bakak nga impormasyon, ug seryosohon sa Malacañang ang maong mga pamahayag, aron mahibaw-an sa publiko kon unsay sakto ug tinuod nga impormasyon.
