DAVAO CITY-Gihatagan og gibug-aton ni PBGen. Nicolas Torre III, ang Regional Director sa Police Regional Office 11, nga wala’y sahol politikanhong motibo ang ilang pagsilbi sa warrant of arrest ngadto sa pugante nga si pastor Apollo Quiboloy ug upat pa ka kaubang akusado.
Kini nunot gihapon sa pagbabag sa mga supporters ni Quiboloy sa ilang search operations.
Matod ni Torre, kon motuo ang mga sakop sa KOJC nga inosente ang ilang pastor, tabangan nila ang kapolisan imbes nga magsinggit og hustisya sa kadalanan.
Gidugang pa niini nga dili pangitaon ang hustisya sa dalan ug makita kini sa korte gumikan dili kini angayang isagol sa politika ug makatarunganon ang pagpatuman sa warrant of arrest.
Giinsister ni Torre nga pabor tanan ang ilang search operations sa “terms” sa mga sakop sa KOJC mao nga dili sila makasusi sa compound sa husto.
Paambit ni Torre nga adunay usa ka building nga ilang gisudlan kagahapon base sa ilang informant nga si Quiboloy adunay sulod nga lawak diin siya makatago.
Matod ni Torre, babaye ra ang gipuy-an sa maong edipisyo hinungdan nga 60 ka babayeng pulis ang giingong iyang gidala alang sa search operations apan 10 lang ka babayeng pulis ang gitugtan sa mga sakop sa KOJC.
Bisan og ilang gikompirmar nga adunay lawak didto nga nitakdo sa asoy sa impormante diin adunay mga sapot ug sapatos sa mga lalaki nga pareha ra sa gidak-on ni Quiboloy, apan wala silay nakit-an tungod kay walay sulod ug limpyo ang lawak.//
Gawas niini, nadiskubrehan usab nila ang usa ka seksyon diin adunay mga menor de edad nga babaye nga nagpangidaron og 10-15 anyos.
Hinungdan nga wala gikonsiderar ni Torre nga “seached” ang nahisgutang building tungod kay ilang gihimo ang pagpangita pabor sa “terms” sa mga sakop sa KOJC.
