CEBU CITY — Miluwat og notice to mariners ang Philippine Coast Guard (PCG) 7 alang sa pag-kanselar sa byahe sa mga barko human gipaubos sa tropical cyclone warning signal ang pipila ka mga lugar sa Sugbo.
Matod sa tigpamaba sa PCG 7 nga si Lt. Junior Grade Michael John Encina, wala na usab tugoti sa pagbyahe ang mga barko nga paingon sa mga lugar nga adunay storm signal alang sa kaluwasan niini.
Apan kun ang mobyahe nga barko walay sakay nga mga pasahero ug cargo, tuogotan lang kini.
Sa kasamtangan, gipaubos sa Storm Signal Number 1 ang amihanang bahin sa Sugbo base sa advisory sa PAGASA.
Apan sigon pa ni Encina, nga mamahimo gihapon nga maka-deklarar ang PCG ug pagkanselar sa byahe ilabi na bati ang lakat sa panahon.
Panawagan ni Encina sa publiko nga mas maayung magpabilin na lang sa tagsa-tagsa nga kabalayan alang sa kaluwasan subay na sa bagyong ‘Tisoy’ ug ingon man likayan ang pagbyahe sa kadagatan. (Lahvi Quiñones)
