CENTRAL VISAYAS- Hugot ang pagpangandam karon sa Philippine Coast Guard District Central Visayas (PCG-7) alang sa umaabot Semana Santa ug pagsulod sa panahon sa ting-init sunod semana.
Sumala pa sa pamahayag ni Captain Jerome Lozada, ang Commander sa PCG Central Cebu sa pakighinabi niini sa mga tigbalita nga ang ilang preparasyon kay nakatutok sa tanang mga kalihokan ug panghitabo sa umaabot hinapos sa Marso ug dyaon pagsulod sa buwan sa Abril.
Asoy pa niini nga nagkig-koordinar na sila sa ubang unipormadong buhatan sa kagamhanan aron sa mas hapsay nga aksyon sa preparasyon sa seguridad sa rehiyon.
Pipila sa ilang mga gipangandaman mao ang Semana Santa, ang umaabot ASEAN Summit sa buwan sa Mayo, ug bisan ang kabalaka sa krisis sa lana nga nasinati sa tibuok nasud diin aduna nay security detail nga gipakatap sa mga oil depots.
Gani sa habig sa ilang pagpangandam sa Semana Santa diin sa Marso 28 magsugod na ang ilang deployment sa mga pantalan sa rehiyon aron mas palig-unon ang inspeksyon ug seguridad nga gilaumang dumugon sa mag pasahero sa ilang pagpanguli sa matag probinsya.
