Gianunsyo ni PCOL George V. Ylanan, ang iyang pagkanaog isip City Director sa Cebu City Police Office (CCPO), atol sa traditional flag ceremony gahapon buntag, Hunyo 8.
Gikabutyag ni Ylanan nga ma-assign siya sa Police Regional Office-7 Regional Comptrollership Division Sugod gahapong adlawa usab.
Si Ylanan adunay dul-an 8 ka buwan nga assignment sa maong buhatan, diin siya miassumer niadtong Disyembre 2025.
Mapasalamaton usab siya ngadto kang Cebu City Mayor Nestor Archival, sa iyang mga sakop sa CCPO, ug sa tanan nga misuporta sa iyang pagdumala isip City Director sa Dakbayan sa Sugbo.
Mipadangat usab og mensahe si Archival nunot sa pagkanaog ni Ylanan, ug matod niya, ang CCPO nakab-ot ang mga mahinungdanong milestone nga nagpalig-on sa kalinaw ug kahusay sa Dakbayan sa Sugbo, nagpalambo sa kaluwasan sa publiko, ug nagpalambo sa kapasidad sa operasyon sa pwersa sa pulisya.
Giila sa mayor ang dedikasyon, propesyonalismo, ug lig-on nga pakigtambayayong sa Gobyerno sa Dakbayan sa Sugbo ni Ylanan, kinsa nakahatag og nakatampo sa seguridad ug kaayohan sa mga isigka-Sugboanon.
Busa, mapasalamaton si Archival niya tungod sa maayong pagdumala niini ug sa matinud-anon nga serbisyo.
