CENTRAL VISAYAS-Gisugat kagahapong adlawa sa Lunes, Nobyembre 4, 2024 ang bag-ong mangulo sa Philippine Drug Enforcement Agency – Central Visayas (PDEA-7) nga si Director 2 Alex M. Tablate human gihulipan si kanhi Director III Emerson Margate.
Si Tablate kinsa kanhi Acting Director sa PDEA – Western Visayas ug Assistant Director sa PDEA – Eastern Visayas.
Miyembro si Tablate sa PDEA Academy Graduate Class “Mapalad”.
Samtang si Director Margate kay musaka na sa kaulohan isip magsilbing Service Director sa Intelligence Service sa PDEA National Headquarters.
Ubos sa pagdumala ni Director Margate sukad niadtong Disyembre 2023, kay nakadeklarar kini sa kinatibuk-an nga 235 ka mga barangay ug usa ka lungsod sa rehiyon ang giisip nga drug-cleared.
Sa kampanya sab niini kontra illegal nga drugas kay nakalusad kini sa 160 ka mga operasyon nga nakaguba sa 52 ka mga drug dens, pagkasikop sa 334 ka mga drug personalities, 74-ka kilo sa illegal nga druga nga adunay estimated market value sa P411-milyones.
