Cebu City-Gisugyot ni Presidente Rodrigo Duterte nga itugot sa Simbahang Katoliko ang pagminyo sa mga pari aron mga masulbad ang suliran sa sexual abuse sa mga kaparian.
Atol sa speech sa presidente kagabii sa dakbayan sa Sugbo, siya nagkanayon nga mao ang iyang nakita nga solusyon aron nga mahunong na ang pagkalambigit sa lawasnong kalipay sa mga lider sa simbahan.
Gisaway usab ni Duterte ang Simbahang Katoliko tungod kay wala niini masulbad ang pagpang-abuso sa mga kaparian, bisan pa man sa ilang pagka-kritikal niini sa administrasyon.
Gikwestyon usab sa presidente ang pagsupak sa Simbahan mahitungod sa pagamit og contracpetive pills sanglit gikabalak-an ni Duterte ang nagkasaka nga populasyon sa nasud diin muabot na kini sa 107 milyon ka mga Pilipino.
Dugang ni Duterte nga mipabor usab siya sa same sex marriage ug nanghinaot kini nga ipasulabi sa simbahan ang praktikalidad aron nga masulbad ang mga problema sa nasud
