CEBU CITY-Manageable ang Peace and Order nga sitwasyon sa Dakbayan sa Sugbu, bisan paman sa sunod-sunod nga insidente sa pagpamusil ug pagpanulis ning nakalabay nga adlaw.
Kini ang gitino ni Cebu City Police Office Director Police Colonel Ireneo Dalogdog, ug gibutyag niini, nga sa sukad sa bulan sa Enero hangtud sa buwan sa Abril, adunay 61 ka shooting incident, apan ang 30 niini ang na file-lan na ug kaso, ug ang 29 niini nadakpan ug na solve na, samtang ang duha under invistigation pa lamang ug nangita pa ang kapulisan ug dugang mga ebidensiya arun sa pagsuta sa mga mamumuno.
Bisan paman niina, gisiguro ni Dalogdog nga walay angay nga ikabalaka ang mga Sugbuonan, gumikan kay ang kapulisan sa Sugbu, nihimo ug mga lakang arun sa pagpaminos sa krimen nga natala sa Dakbayan.
Dugang pa, nga tumong sa kapulisan sa Sugbu nga mas maayu nga wala na untay mahitabo nga krimen sama sa kamandoan ni Police Regional Office-7 Director PBGen Anthony Aberin nga ‘Crime Prevention’, kay walay pulos ang pinakamaayu nga imbstigador nga mo imbistiga sa Krimen, gumikan kay dili na mabalik ang kinabuhi sa tawo.
