Gidetalye sa United States Defense Department (Pentagon) ang nahimong “Operation Midnight Hammer” nga maoy mission code sa pagpamomba sa 3 ka mga Iranian Nuclear Sites niadtong Dominggo, Hunyo 22, 2025.
Kun diin si Defense Secreatry Pete Hegseth mismo ang nagulo sa press conference niini sa Pentagon niadtong Dominggo sa gabii (oras sa Pilipinas) sa ilang nahimong malampuson operasyong military sa Iran.
Tataw niini nga pipila ka buwan giplanohan ang operasyon sa mga sakop sa US Air Force diin gideploy nila ang B2 Spirit stealth bombers karga ang GBU-57 bunker buster bomb nga pinakaunang nagamit sa aktwal nga sitwasyon sa kasaysayan sa modern military history.
Asoy pa niini nga ang paggamit sa Massive Ordinance Penetrator (MOP_ lay maoy nakapakusog sa bomba nga nakayang mulapos sa ilawm sa yuta pipila ka metros nga gilawmon.
Gikumpirmar usab ni US Air Force General Dan Caine ang operasyon diin 7 ka mga B2 stealth bombers ang milusad sa operasyon gikan sa base military sa Amerika padulong sa Middle East pinaagi sa Atlantic Route.
Matod niini nga highly confidential ang maong operasyon diin pipila lang mga dagkong opisyal sa Estados Unidos ang nasayod sa detalye niini.
