Nakahiagom ang Philippine women’s football team sa ilang ikaduhang sunod-sunod nga kapildihan sa 2026 AFC Women’s Asian Cup human sila napildi sa South Korea sa score nga 0-3 sa Gold Coast Stadium.
Ang South Korea, nga karon anaa sa ranggo nga world No. 22, midominar sa torneyo sa dihang si Jeon Yu-Gyeong nakapuntos sa 12 minutos sa pagsugod sa dula gamit ang usa ka left-footed shot gikan sa sulod sa penalty box nga inabagan ni Kim Shin-Jin.
Ingon man nga sa paglabay lang sa tulo ka minuto, ang team sa Korea diha-diha dayon midugang sa ilang labaw sa dihang si Park Seo-Jeong naka-iskor og right-footed shot nga miigo sa ibabaw nga tuo nga suok sa goal gikan sa usa ka assist ni Choo Hyo-Joo.
Gisuwayan og bawi sa Pilipinas, nga anaa karon sa world No. 41 ranking, sa dihang mipabuhi si Carleigh Frilles og kusog nga tira gikan sa gawas sa penalty box, apan naluwas kini sa goalkeeper nga si Kim Min-Jung.
Ang goalkeeper nga si Olivia McDaniel nagpakita usab og lig-on nga depensa human napugngan ang daghang mga tira sa South Korea, lakip ang usa ni Son Hwa-Yeon sa ika-55 nga minuto.
Bisan pa, sa katapusan giselyohan ni Mun Eun-Ju ang kadaugan para sa South Korea sa dihang nakapuntos siya sa ika-56 nga minuto gamit ang tira sa tuo nga tiil.
Tungod sa kapildihan, ang team sa Pilipinas nahulog sa katapusang pwesto sa Group A human sila napildi sa Australia, 0-1, sa ilang unang duwa.
