Mipadayag sa ilang suporta sa natad sa turismo sa lalawigan sa Sugbo ang grupong Philippine Hotel Owners Association (PHOA).
Kini ang gipahibalo sa grupo human mihatag og courtesy visit kang Cebu Provincial Governor Pamela “Pam” Baricuatro ang mga opisyal sa grupo sa Kapitolyo niadtong nakalabayng Biyernes, Septiyembre 26, 2025.
Gipangulohan ang grupo sa ilang presidente nga si Arthur Lopez kauban ang ilang delegasyon sa mga tag-iya og hotels sa nasud.
Tinguha sa maong panagpulong ang pagpalambo sa sektor sa turismo sa SUgbo pinaagi sa tuboy ug pagsiguro sa world-class nga accomodations sa mga turista ug bisita.
Gihangop ni Gov. Baricuatro ang sugyot sa grupo ug miimbitar pa kini sa aktibong partisipasyon nila sa Cebu Provincial Tourism Council aron mahan-ay ang mga lagda nga makapalambo sa turismo sa probinsya.
Ang PHOA kay natukod niadtong tuig 1977 kinsa maoy nag-unang pundok sa nasud sa mga tag-iya og hotels diin adunay mga papel sa pagpalambo sa hospitality industry sa Pilipinas pinaagi sa ilang progresibong adbokasiya, industry leadership, community engagement, ug professional development.
