Gitaho sa Board of Investments (BOI) nga ang kasamtangang administrasyon nakamugna og P2.368 trilyones nga mga pamuhunan, nga naglakip sa resulta sa mga langyaw nga biyahe ni Presidente Ferdinand “Bongbong” Marcos Jr.
Ang pamahayag sa BOI migawas duha ka adlaw human ang Philippine Statistics Authority (PSA) mitaho nga ang foreign investment pledges mius-os og kapin sa 63.6% gikan sa Enero hangtod Marso kon itandi sa samang panahon sa miaging tuig.
Sa usa ka forum, ang Direktor sa BOI nga si Sandra Recolizado nagtinguha nga ipakita ang mas dako nga picture frame, nga nagpresentar sa mga numero gikan sa Hulyo 2022 hangtod Abril 2024.
Matod niya nga ang kinatibuk-ang P2.368 trilyon naglangkob sa 157 ka mga proyekto, katumbas sa $42 bilyon nga kantidad sa mga pamuhunan, apan walay labot ang ubang datos gikan sa Philippine Economic Zone Authority (PEZA) ug uban pang ahensya sa pagpasiugda sa pamuhunan.
