Gikumpirmar sa Philippine Navy niadtong Dominggo, Hulyo 6 ang “possible transfer” sa 6 ka barkong Abukuma-class destroyer escorts nga gikan sa Japan Maritime Self-Defense Force (JMSDF).
Gani ang PH Navy kay nibuhat na og mga undertaking preparatory steps para sa usa ka Joint Visual Inspection (JVI) sa mga barko human sa opisyal nga imbitasyon gikan sa Japan Ministry of Defense.
Sa pamahayag sa Hukbong Dagat, diin ang planadong inspeksyon kay magporma sa bahin sa exploratory discussions sa posibilidad sa mga pag transfer sa naval assets padulong sa Pilipinas.
Dinesenyo kini para anti-submarine ug anti-ship warfare ang maong Abukuma-class destroyer escorts nga ilado sa ilang reliability ug versatility nga haom sa operational requirements sa PH Navy sa pagpanalipod sa maritime domain sa nasud.
Ang Abukuma-class destroyer escorts adunay displacement nga 2,000 gross tons ug gitas-on nga 109 metros ug beam nga 44 metros.
Kini adunay top speed nga 27 knots ug armado sa nagkalain-laing anti-ship missiles, anti-submarine rockets ug torpedo uban ang 76mm main gun ug 20mm closed-in weapon system.
Ang JMSDF nag-operate ug unom ka Abukuma-class destroyer escort, nga gitukod gikan sa tuig 1988 hangtod 1991.
Usa ka delegasyon sa naval experts gikan sa PH Navy ang ipadala aron mohimo og lawom nga pagsusi sa mga barko.
Sumala sa PH Navy nga kini nga inisyatiba nagpakita sa nagkalawom nga estratehikong panagtambayayong tali sa Pilipinas ug Japan, ug nagpalig-on sa gipaambit nga pasalig sa maritime security, inter-operability ug regional peace and stability.
