METRO MANILA-Nagpabiling masaligon ang National Economic and Development Authority (NEDA) nga ang Pilipinas makaabot sa iyang upper-middle income status sa 2025.
Gibutyag ni NEDA Secretary Arsenio Balisacan nga anaa na ang PH threshold sa $4516 nga maoy minimum nga maapil sa upper-middle income.
Matud pa sa kalihim, nga ang gross national income (GNI) per capita sa atong nasud o ang kinatibuk-ang kantidad sa salapi nga natigom sa mga tawo sa nasud ug mga negosyo kinahanglan lang nga motubo og 6.7% karong tuiga.
Kung kahinumduman nga gipahibaw sa World Bank nga ang Pilipinas usa ka lower-middle income country nga adunay gross national income (GNI) per capita ug mikabat lang sa $4,230 niadtong 2023, mas taas sa $3,950 nga natala niadtong 2022.
Base sa pinakabag-o nga klasipikasyon, ang mga nasud nga adunay gross national income per capita tali sa $1,146 ug $4,515 makonsiderar ngamiddle-income nga mga nasud apan bisan pa niini matod sa kadagkoan sa NEDA, dili na kinahanglang usbon ang 6%-7% nga economic growth target aron maabot ang upper-middle income status.
Dugang pa ni balikasan nga ang ekonomiya sa nasud mitubo sa 5.7% sa unang quarter sa 2024 mas taas kumpara sa kadaghanan sa mga silingang nasud sa Southeast Asia tungod sa hinay nga household consumption ug paggasto sa gobyerno.
