Naghiusa ang Pilipinas ug Japan sa pagtukod og mga high-ticket infra projects ug critical projects sa nasud.
Lakip sa mga kasabotan nga gipirmahan sa duha ka nasod mao ang suporta sa badyet alang sa mga inisyatibo sa panglawas ug klima sa gobyerno sa Pilipinas.
Nanguna sa pormal nga pagpirma sa kasabutan si Finance Secretary Ralph Recto, uban sa mga dagkong opisyal sa Japan.
Basi sa kasabutan, ang Davao Bypass Construction Project adunay pundo nga kinatibuk-ang kantidad nga P17.67 bilyon.
Kini nga proyekto nagtumong sa pagpalig-on sa paglihok sa mga Dabawenyo nga makatabang sa paglambo sa ekonomiya sa Mindanao.
Lakip usab sa mga proyekto nga mapondohan mao ang Pasig Marikina River Channel Improvement Project Phase IV, Cavite Industrial Area Flood Risk Management Project ug Climate Change Action Program, ug bisan ang Build Universal Health Care Sub Program 2.
