Anaa na sa intense training ang Philippine women’s national futsal team, nailhan usab nga Filipina5.
Sukad sa Oktubre 29 hangtod Nobyembre 11, ang team magbansay-bansay sa Barcelona ug Madrid sa España para sa intense training.
Kini ang katapusang training session sa team sa dili pa mo-host sa 2025 FIFA Futsal Women’s World Cup (FFWWC) nga ipahigayon sa Pasig City sa Nobyembre 21.
Sumala ni Philippine Football Federation President John Anthony Gutierrez, ang team adunay mga friendly games.
Dugang niya nga ang maong training session importante aron ipakita ang ilang kahanas sa futsal isip host country.
Una nga atubangon sa Pilipinas ang Poland sa Nobyembre 21 samtang sa Nobyembre 24 atubangon nila ang Morocco ug sundan sa Argentina sa Nobyembre 27.
