CEBU CITY-Posibli nga ma-delatar ang partial nga pag-operate sa phase 1 sa Cebu Bus Rapid Transit gumikan sa mga kakuli-an.
Gipahibalo ni Cebu City Councilor Jerry Guardo, chairman sa Cebu City Councilor Jerry Guardo, nga gumikan sa isyu sa demolisyon sa skywalk hinungdan nga dili pa basta makalihok ang contractor sa ilahang trabaho.
Matud ni Guardo nga hangtod karun wala pa maresolbar sa Department of Transportation (DOTr) ug Department of Public Works and Highways (DPWH) ang naasoy nga isyu, apan nanghinaut kini nga aduna na’y makab-ot nga solusyon ang duha ka ahensya karung semanaha.
Sigon pa, posibli nga sa sayong bahin sa Enero o Pebrero sunod tuig pa ang partial nga pag-operate sa phase 1 sa CBRT.
Una nang gi-anunsyo nga mahimong ‘partially operational’ ang CBRT karung Disyembre 2023.
Ang phase 1 sa maong bus rapid transit kay molatas gikan sa Cebu Provincial Capitol paingon na sa Cebu South Bus Terminal.
