TALISAY CITY-Nagpabiling Miss Universe sa mga mata sa mga Talisaynon si Gazini Christiana Jordi Ganados bisan paman ug pakyas niini nga malangkat ang titulo isip Miss Universse 2019.
Kini ang gibutyag ni Talisay City Mayor Gerard Anthony ‘Samsam’ Gullas.
Mapasalamaton ang mga Talisaynon sa gihatag nga dungog ni Ganados sa dakbayan sa Talisay. Matud sa mayor nga dili usab lalim ang gi-agian ni Ganados gikan palang sa preparasyon. Gibuhat matud pa niini ang tanan aron mahatag ang dungog sa nasod sa labing prestihiyosong pageant hayan ila kining gisuportaan.
Dugang pa ni Gullas nga sa una palang suportado na nila si Ganados pildi man o daog. Nanghinaot usab ang mayor nga mahimamat ug balik si Ganados sa personal aron makapasalamat sa dungog nga gihatag niini sa Talisaynon.
Isip suporta sa mayor ngadto ni Ganados, nagpahigayon kini og public viewing sa Talisay City people’s hall kaganina aron makakita ang katawhan.
