Gikatakdang palapdan sa PhilHealth-7 ang paglusad sa mga programa niini sama sa primary health access sa dakbayan sa Mandaue ug Danao.
Kini human sa opisyal nga paglusad sa Yaman sa Kalusugan Program (YAKAP) sa Mandaue City Sports and Cultural Complex sa nakalabayng semana.
Ang YAKAP Program kay kanhi nailhan isip Konsultasyong Sulit at Tama (KonSulTa) diin nag rebranding kini agig pag-agak sa inisyatiba sa PhilHealth sa pasalig niini sa mas accessible, preventive, ug people-centered nga serbisyong panglawas sa publiko.
Usa sa mga components niini kay ang Guaranteed and Accessible Medications for Outpatient Treatment (GAMOT) nga usa ka komprehensibong outpatient benefit package.
Gani sa higayong ang mga GAMOT-accredited pharmacies kay mamahimo nang operational kay gilaumang ang mga members ug mga dependents niini kay maka-access na sa 75 ka mga prescription medicines sulod sa usa ka tuig nga adunay P20,000 per person nga benefit ceiling.
Dugang niini nga ang PhilHealth-7 sab kay magpalapad sa ilang serbisyp sa mga accredited clinics sa dakbayan sa Danao pinaagi sa City Health Services Offices nga nagdalit og medical consultations ug benefit information direkta sa mga members niini.
