Gikumpirmar sa Philippine Health Insurance Corp. (PhilHealth) nga walay umento sa contribution rate.
Kini bisan og walay subsidy nga gigahin alang sa state health insurer gikan sa 2025 national budget.
Nagpasabot kini nga ang premium contribution rate kay magpabilin sa kasamtangan nga 5%.
Busa, kadtong adunay monthly salary base nga P10,000 magpabilin sa P500 isip monthly premium.
Ug ang mga adunay binuwan nga suholan nga P10,000 ngadto sa P99,999.99, P500 ngadto sa P5,000 ang binuwan nga kontribusyon samtang P5,000 ang binuwan nga suweldo sa P100,000.
Samtang, gipakita usab sa state health insurer ang posibilidad sa pagpaubos sa kontribusyon tungod kay aduna kini igong reserbang pondo.
Una nang mitaho ang PhilHealth nga aduna kini surplus nga P150 bilyones nga reserbang pundo ug dul-an sa P489 bilyones nga puhunan ug nitataw nga aduna kini lig-on nga posisyon sa panalapi ug katakus sa pagserbisyo sa 115 milyones ka miyembro niini./
