Pipila ka adlaw nga nilabay human sa pag-anunsyo ni Pres. Ferdinand Marcos Jr. kabahin sa pagbalik sa 60B sa PhilHealth, ni angkon ang Philippine Health Insurance Corp. (PhilHealth) nga wala pay kasiguradohan kung kanus-a makakuha sa maong pundo sa national treasury.
Gikabutyag ni Israel Pargas, ang spokesperson sa PhilHealth nga wala pa silay nadawat nga mando kung kanus-a ug unsaon sa maong ahensya pagkuha sa pundo pagbalik, bisan paman nga nag ingun na ang Presidente sa dinalian nga pagbalik niini, apan dili pa tataw ang mekanismo ug proseso.
Kahinomdoman nga niadtong Sabado, Setyembre 20, gi-anunsyo ni Marcos kabahin sa pagbalik sa 60B excess fund sa PhilHealth.
Dugang niini, ang maong kantidad nga wala magamit gikan sa PhilHealth nabalhin kaniadto pa sa nasudnong panudlanan.
Apan bisan pa, napakyas ang maong lakang sa pagdani sa health advocacy alang sa Action for Economic Reforms (AER).
Basi usab sa usa ka pamahayag nga giluwat sa AER, sila nagkanayon nga ang pagbalik sa nahisgutang pundo dili angayan nga mag-abswelto sa administrasyong Marcos sa paghimo og illegal nga lakang.
