Nalipay ang Philippine Olympic Committee (POC) sa resulta sa performance sa Pilipinas sa bag-o lang nahuman nga ika-33 nga Southeast Asian Games.
Sumala sa presidente sa POC nga si Abraham ‘Bambol’ Tolentino, bisan wala sila nakalabaw sa miaging medal tally ug ang ranggo miubos gikan sa ikalima ngadto sa ikaunom karong tuiga, natagbaw gihapon sila.
Sa pagtapos sa torneyo niadtong Sabado sa gabii, adunay 50 ka bulawan nga medalya, 73 ka silver ug 154 ka bronze nga medalya.
Kung itandi sa duha ka tuig nga gipahigayon sa Cambodia diin adunay 58 ka bulawan, 85 ka silver ug 117 ka bronze nga medalya.
Dugang ni Tolentino nga kini usa ka kalampusan tungod kay ang mga atleta sa nasud nakabungkag og mga rekord, ang mga Pilipino nakapildi usab sa mga Thai sa mga dula ug ang nasud malampusong nakadepensa sa kaugalingon nga dula.
Kahinumduman nga 10 lang ka nasud ang miapil human ang Cambodia miatras tungod sa panaglalis sa utlanan sa Thailand.
