Cebu City-Andam na ang Philippine Red Cross Lapu-lapu – Cordova Chapter alang sa ipahigayon nga dugong Bombo 2018 nga ipahigayon sa Island Central Mall sa Brgy Ibo dakbayan sa Lapulapu.
Matud ni Mr Vic Jay Gonzal, ang presidente sa PRC Lapulapu/ Cordova Chapter nga unta andam na usab ang mga mag donate ug dugo sa umaabot nga adlaw nga Sabado sanglit dakong tabang gayud kini sa mga nanginahanglan.
Matud ni Gonzal nga gawas sa mga makadawat puhon sa dugo nga gi donate, makatabang usab ang blood donation ngadto na sa blood donor sanglit duna sab kini mga health benefits sama sa pag regulate sa iron level sa dugo.
Ang blood donation ang mahimo usab nga makatabang ngadto na sa uban aron mahibaw an kung limpyu ang ilang dugo ug kung duna ba silay gihambin nga sakit sanglit ma examine man sila sa dili pa ang blood donation.
Kadtong mga wala pa makahibaw sa ilang blood type, pinaagi sa blood donation, mahatagan sila ug kasayuran ug libre pa ang pagpa blood type.
Pahimangno lang niini sa mga nagplano nga mag donate sa umaabot nga adlaw nga Sabado, gikinahanglan nga e-kondisyon sab nila ang ilang lawas aron mamahimong qualified donor pinaagi sa pagkatulog ug 8 ka oras, pag inom ug daghang tubig ug juices, paglikay sa mga makahubog nga ilimnon ug pagkaon ug igo lamang sa dili pa magpakuha ug dugo.
Subay niini gi-awhag sa Philippine Red Cross Cebu City Chapter ang tanan nga mag donate ug dugo sa ipahigayon nga blood letting activity sa Bombo Radyo Philippines sa umaabot nga Nobyembre 17 adlaw nga Sabado sa duha ka mga venue, sa SM City Cebu ug sa Island Mall sa Brgy Ibo sa dakbayan sa Lapu-lapu.
Matud ni Dr. Amour Cielo Cantillas nga dakong tabang ang pag donate ug dugo hilabi na sa mga nanginahanglan niini.
Sa matag usa ka blood donor mahimo nga makaluwas ug tulo ka kinabuhi. Gipasiguru usab niini nga dili mausik ang matag dugo nga i donate sa mga blood donors.
Nasayran nga dunay lamang 35 ka adlaw nga lifespan ang gi donate nga dugo samtang 5 ka adlaw usab ang alang sa platelet
