Picasso painting nga nagkantidad og kapin $1-M, nabaligya sa kantidad nga $117 nalang?

Nabaligya nalang sa kantidad nga $117 ang usa ka painting sa bantogang Spanish artist nga si Pablo Picasso.

Diin si Ari Hodara ang nakadaog sa raffle nga “1 Picasso for 100 euros.”

Nadala niya ang 1941 gouache nga painting nga “Tete de Femme” ug kini nagkantidad og kapin sa $1 milyon.

Moabot sa 120,000 ka mga ticket ang nabaligya ug ang kita idonar sa Alzheimer’s Research Foundation nga nagsuporta sa clinical research sa Europe.

Si Hodara usa ka mahiligon sa arts gikan sa Paris nga nagtrabaho sa usa ka software company.

Gipaambit niini nga sa dihang una niyang nadawat ang tawag, wala siya makatuo nga gipahibali siya sa organizer nga motan-aw og live stream ug didto nakumpirmar nga siya ang nakadaog.