Mipirma ang Pilipinas ug Estados Unidos og $34 milyon nga kasabutan aron mapalambo pa ang value chain sa merkado sa ube.
Usa ka pahayag nga gi-isyu sa Embahada sa US sa Pilipinas nag-ingon nga ang proyekto gilauman nga mosuporta sa dul-an 12,500 ka mga Pilipinong mag-uuma og ube sa sunod nga lima ka tuig.
Ang proyekto gisugyot sa usa ka internasyonal nga non-profit nga organisasyon nga nagtumong sa pagpahimulos sa negosyo ug pagbutang og dugay nga pundasyon alang sa pagtapos sa kakabus.
Gihulagway usab sa pahayag ang ube isip usa ka importante nga hilaw nga materyal alang sa mga inobatibong paggama sa pagkaon ug ilimnon sa tibuok kalibutan, lakip na sa Estados Unidos.
Sumala ni US Ambassador sa Pilipinas nga si Lee Lipton, ang kasabutan usa usab ka paagi aron mapalig-on ang diplomatiko ug ekonomikanhong relasyon tali sa Estados Unidos ug Pilipinas, nga nagsaulog usab sa ilang ika-80 nga anibersaryo karong tuiga.
Samtang, gihulagway sa Department of Trade in Industry ang ube isip bag-ong bituon sa eksport sa Pilipinas.
Niadtong 2025, natala sa DTI Export Marketing Bureau nga ang Pilipinas nag-eksport og mga produkto nga hinimo gikan sa ube nga nagkantidad og $3.06 milyon.
Daghan sa mga produkto ang gi-eksport sa Estados Unidos, United Kingdom, Italy, ug Middle East.
