Milawig ang pinakadako ug pinaka-moderno nga ‘balangay’ paingon sa West PH Sea partikular sa Pag-asa Island arun nga himug-atan ang katungod sa nasud sa territorial waters nga gipalibotan sa mga barko sa China.
Kagabii, adlaw nga Martes, mi-abot sa isla ang naasoy nga balangay nga milawig gikan sa Butuan City port niadtong Lunes, Mayo 27, sakay ang 19 ka mga crew.
Gikatakda usab sila nga magpahigayon og medical mission sa isla.
Una nang nakasinati og mga hagit sa wala pa makalawig ang balangay kung diin mi-abot og 6 ka oras ang crew nga ilusad ang B. Florentino Das sa Agusan River, pipila ka oras una ang scheduled departure niini niadtong Mayo 25.
Ang moderno nga balangay nga gitawag og Florentino Das kay adunay couches ug air conditioning sa cabin.
Aduna usab kini wi-fi ug gipa-andar nga engine.
Gihimug-atan ni kanhi transportation ug environment undersecretary Art Velez ang importansya sa makasaysayanon nga paglawig gumikan kay tuyo niini nga ipakita sa China nga naglawig na ang mga Pilipino sa disputed waters sa wala pa ang ilahang claims.
Gibutyag usab niini nga ang ilahang mensahe kay humanitarian ug malinawon, ingon man usa ka pahinumdom nga ang mga Pilipino nga nagsakay og balangay, liboan katuig na nga nakalabay, kay simboliko nga nakigbatok sa tanang mga mananakop.
