Pinakataas ug pinakagamay nga babaye sa kalibutan nagkita sa unang higayon

Nagkita sa unang higayon ang giisip nga pinakataas nga babaye ug ang pinakagamay nga babaye sa kalibutan.

Diin ang panagtagbo sa duha kay gipahigayon sa Savoy Hotel nahimutang sa London nga gihimo dungan sa pagsaulog sa Guinness World Records Day.

Si Rumeysa Gelgi adunay gitas-on nga 7 feet ug 0.7 inches samtang si Jyoti Amge adunay gitas-on nga 2 feet ug 0.7 inches.

Ang 27-anyos nga si Gelgi niingon nga aduna silay pagkaparehas sama sa hilig sa make-up, alahas ug pag-atiman sa kaugalingon.

Ingon man nga gipaambit nila nga ang dakong hagit lang nila kay maglisod sila og eye contact.

Apan, malipayon sila nga nahimamat ang usa’g usa hilabi na nga susama sila nga record holder.