-- ADVERTISEMENT --
Napakyas nga makasulod sa finals sa Balance Beam sa 2024 Olympics ang Philippine gymnast nga sila si Emma Malabuyo, Levi Jung Ruivivar ug Aleah Finnegan.
Human kini wala maka-abante sa all-around ug uban pang apparatus finals human ang duha napakyas sa pagsulod sa Top 8 sa tanang mga kalihukan.
Diin si Emma Malabuyo ug Levi Ruivivar kay adunay susamang all-round score nga 51.099 samtang si Aleah Finnegan nga adunay all-round score nga 50.498.
Bisan pa niini nga kapakyasan, makasaysayanon gihapon ang partisipasyon sa Finnegan, Malabuyo ug Jung-Ruivivar tungod kay kini ang unang higayon sulod sa unom ka dekada nga usa ka babayeng gymnast ang nirepresentar sa Pilipinas sa Summer Olympics.
