Gibutyag sa usa ka grupo sa mga mananagat sa Zambales nga mas gipili nila nga mangisda una sa kilid, imbes mapugos sila sa pagpanagat sa WPS, nunot sa naunang hulga sa China nga ipatuman ang ‘no-trespassing rule’ niini.
Matod ni Tropical Fish and Gatherer Association (TFGA) Joeffrey Elad, daghan sa mga sakop niini ang nahadlok nga basin madakpan sila sa mga Chinese ug madala sa China.
Gumikan niini, giingong naglikay na sila sa pag-abot sa Scarborough Shoal ug kasagaran kanila mas gusto nga managat duol sa mainland Zambales diin mas ubos ang makuha nga isda.
Bisan pa niini, giingong ‘willing’ gihapon ang mga mananagat nga mobalik sa bajo De Masinloc basta adunay mga barko sa Philippine Coast Guard o Philippine Navy nga mouban ug magsilbing escort kanila.
