Posibleng mapili sa USA Basketball ang sunod nga head coach puli ni Golden State Warriors head coach Steve Kerr, alang sa 2028 Los Angeles Olympics.
Ang 2024 Olympics mahimo nga katapusan nga trabaho sa pagtudlo ni Kerr sa Team USA, basi sa iyang una nga pahayag.
Matod sa mga analista sa basketball sa NBA, mahimong pilion sa USA Basketball si Miami Heat head coach Erik Spoelstra ug Los Angeles Clippers head coach Tyronn Lue nga mohulip kang Kerr.
Pareho sila si Spoelstra ug Lue nga nagsilbi nga assistant coaches ubos ni Kerr sa miaging Paris Olympics.
Una niini, nakadaog na si Coach Spo og duha ka kampiyonato sa Heat. Nahimo usab niyang pangulohan ang Heat ngadto sa unom ka Finals appearances.
Sa habig ni Lue, iyang nadala ang Cleveland Cavaliers ngadto sa tulo ka NBA Finals, usa niini ang nakadaog.
Sa pagkakaron, wala y opisyal nga pahayag si Steve Kerr bahin niini.
Si Kerr nagserbisyo isip assistant coach sa Team USA gikan sa 2017 hangtod 2021 hangtod nahimong head coach sa USA Basketball Men’s National Team sa.
Gawas sa bag-o nga bulawan nga pasundayag sa Paris Olympics, nakahimo usab siya pagpangulo sa Golden State Warriors sa lima ka sunod-sunod nga pagpakita sa Finals gikan sa 2015 hangtod 2019, ug nakasulod ug nakadaog pag-usab sa 2022.
Sa iyang karera isip usa ka propesyonal nga magdudula sa basketball, nakadala siya og lima ka singsing sa kampeonato.
