Gibutyag ni Ombudsman Jesus Crispin ‘Boying’ Remulla nga adunay pipila ka mga magbabalaod nga nalambigit sa anomaliya sa flood control projects nga gusto lang magpakahilom sa isyu sa kurapsyon.
Matod niya, adunay mga kongresista nga nagpahibalo kaniya nga gawas nga gusto magpakahilom, andam usab nga ibalik ang kinawat nga pundo sa mga nasakmit nga proyekto.
Gisaad nila nga dili na nila balikon ang sayop nga paggamit sa pundo sa publiko nga ilang gipahimuslan isip ‘contractor’ o kongresista nga nahimong kontraktor.
Gipahibalo usab ni Ombudsman Remulla nga gikatakda siya nga makigtagbo sa Sandiganbayan sunod semana aron hisgutan ang mechanics sa ‘restitution’ o pagbalik sa mga kinawat nga pundo.
Iyang giangkon nga ang pagpatuman sa ‘restitution’ dili mahimo sa Ombudsman lamang, apan kinahanglan maglambigit ang korte o hudikatura.
Padayon pa nga nagsusi ang Office of the Ombudsman sa mga anomalya sa flood control projects
