Sayaw-sayaw ra ang tanan apan dakop operation na diay!
Gikalingawan karon sa social media ang talagsaong estilo sa mga pulis sa Thailand human sila nagpakaaron-ingnong dance troupe aron masikop ang usa ka giingong drug suspect sa Tha Luang district.
Nagsul-ob og ‘wow’ nga mga costume ang mga pulis ug misagol sa kalihokan ug magtuo jud ka nga mga contestant sa fiesta presentation.
Apan tunga-tunga sa ilang “performance,” kalit lang diay nilang gidakop ang suspek nga giilang si Mekha Fa-wap-wap.
Narekober gikan sa suspek ang 53 ka methamphetamine pills, kapin 200 ka gagmayng plastic bag nga gituohang gamiton sa pagputos sa droga, ug cellphone nga giingong gigamit sa online gambling activities.
Nagtingkagol na karon ang suspek ug nag-atubang og kasong may kalabotan sa ilegal nga droga ug online gambling.
