CEBU CITY- Labihang kakulba ang nabati ang gipaambit ni Glen Yap, usa sa nakasinati ingun man survivor atol na sa Typhoon Tino niadtong Nobyembre 4, 2025.
Matod ni Yap, kalit kaayo ang panghitabo tungod kay grabi ang kapaspas sa pagtaas sa tubig bisan minus 3 minutos lang ang nilabay.
Atol na sa eskslusibong pakighinabi sa Bombo Radyo Cebu team kaniya, lakip sa iyahang naasoy ang ilahang survival mode niadtong tungura, diin matod niya nga nilapas na ang lebel sa tubig-baha sa bintana sa ilang panimalay, ug nag overflow na kini.
Dugang niya, nanglutaw na ang mga kabutangan nila tungod sa kusog nga bul-og sa tubig-baha, hinungdan nga diretsong nanglutaw ang ilahang kabtangan.
Subayy sa maong panghitabo, ilang napanglangtawan nga ang bugtong hinungdan sa ilang nasinatian nga subrang pagbaha mao ang real estate development project ni Civil Engineer ug actor Slater Young — ang Monterrazas de Cebu.
Gani, iyahang naasoy nga nakahisgut ang iyahang kasilinganan nga ang Monterrazas de Cebu nag-empty sa ilahang dams, hinungdan nga sa ilang dapit ang naigo ug ga overflow.
Gani iyang pang giklaro nga wala silay makitang laing hinungdan kay sukad-sukad aduna na silay nasinatian nga kusog nga bunok sa uwan, apan dili susama ang ilang nahiagumang baha, gawas na lang sukad nga nitumaw ang Monterrazas de Cebu.
