-- ADVERTISEMENT --
Nagpahibalo ang Automobile Association of the Philippines (AAP) nga temporaryo nilang ihunong ang mga motorsports events sa nasud.
Kini human sa deklarasyon ni Presidente Ferdinand “Bongbong” Marcos Jr. sa state of national energy emergency sa nasud.
Sumala sa AAP, tungod kay ang mga motorsports nagsalig sa gasolina, kinahanglan nilang temporaryong kanselahon ang mga sporting events isip kabahin sa mga lakang sa pagdaginot sa gasto.
Ang uban sa mga racing events nga gi-aprobahan sa AAP naglakip sa rallycross championships, karting, slalom, national drag racing, ug uban pa.
