CEBU – Gikompirmar ni Police Brigadier General Roderick Augustus Alba, ang regional director sa Police Regional Office -Central Visayas, nga giharass sa mga sakop sa Communist Terrorist Group ang pipila ka sakop sa 2nd Platoon, 2nd PMFC sa Negros Oriental Police Provincial Office sa niadtong Nobiyembre 1 sa udto.
Matod ni Alba nga base sa report sa kapulisan nga nadestino sa ilang detatsment sa Barangay Trinidad, Guihulngan City, Negros Oriental nga nagpabuto sa ilahang mga armas ang wa pa mailhing sakop sa CTG.
Hinungdan nga nibawos ang kapulisan pinaagi sa pagpabuto sa ilang armas.
Walay nasamdan o namatay sa habig sa kapolisan ingon man sa pikas nga bahin.
Nunot sa insidente, mas gipalig-on pa sa concern unit ang ilang depensa sa kampo.
Duha pa ka platun sa 2nd PMFC, apil ang duol nga detatsment sa AFP, ang gipa-alertp ug nangaylap na og mga impoarmasyon ang mga intelligence operatives aron mailhan ang mga suspek alang sa pagpasaka og mga kasong kriminal.
